✝️ మన దర్శనం • మన పరిచర్య • మన లక్ష్యం • ఒకే ఉద్దేశం 

✝️ CHRIST LIFE REVIVAL ❤️‍🔥

 మన దర్శనం • మన పరిచర్య • మన లక్ష్యం

🌍 ఒకే పరిచర్య • ఒకే సందేశం • ఒకే లక్ష్యం

మనలో క్రీస్తు జీవించాలి • మనం పరిపూర్ణంగా చనిపోవాలి.

మన పేరు కాదు — క్రీస్తు నామమే హెచ్చింపబడాలి!

మనకు మహిమ కాదు — సమస్త మహిమ దేవునికే!

 ✝️ 1. మన దర్శనం — OUR VISION

పరలోకమందున్న మన తండ్రి తన బిడ్డలైన ప్రతి ఒక్కరి పట్ల కలిగియున్న దైవికమైన ప్రణాళికలో, **యేసుక్రీస్తు జీవితమనే ఉజ్జీవ జ్వాలలు ప్రతి హృదయంలో రగులుకోవాలి.

మనలోని పాత స్వభావాలైన కోపం, ద్వేషం, పగ, అసూయ, గర్వం, స్వార్థం, ఈర్ష్య, అహంకారం, ఇతరులను తిరస్కరించే స్వభావం, మనమే గొప్పవారమనే భావం తొలగిపోవాలి.

వాటి స్థానంలో యేసుక్రీస్తు తన జీవితంలో చెప్పి చూపించిన ప్రేమ, క్షమాపణ, కనికరం, వినయం, పరిశుద్ధత ప్రత్యక్షం కావాలి.

మన సంభాషణలో, మన ఆలోచనల్లో, మన ప్రవర్తనలో, మన క్రియల్లో, మన నడకలో — కూర్చున్నా, లేచినా, నిల్చున్నా — మనలో యేసుక్రీస్తు మాత్రమే కనిపించాలి.

మనలను చూసినవారు మన గొప్పతనాన్ని కాదు, మనలో జీవిస్తున్న క్రీస్తును చూడాలి. మన జీవితాలను బట్టి ఇతరులు యేసుక్రీస్తువైపు తిరిగి, ఆయన మార్గంలో, ఆయనతో, ఆయనవలె తమ ఆఖరి శ్వాస వరకు కొనసాగాలి.

మన జీవితాల్లో క్రీస్తు స్వభావం ప్రత్యక్షం కావడమే మన దర్శనం.

📖 గలతీయులకు 2:20 — క్రీస్తుతో కూడ సిలువ వేయబడిన జీవితం; మనలో క్రీస్తు జీవించుట.

📖 2 కొరింథీయులకు 5:17 — క్రీస్తులో నూతన సృష్టిగా మారుట.

📖 రోమీయులకు 8:29  — దేవుని కుమారుని సారూప్యములోనికి మార్చబడుట.

 ❤️ 2. మన పరిచర్య — OUR MISSION

ఇది ఒక వ్యక్తిని, ఒక పేరును లేదా ఒక సంస్థను గొప్పగా చూపించడానికి ప్రారంభించిన పరిచర్య కాదు.

యేసుక్రీస్తు నామాన్ని హెచ్చించడానికి, ఆయన వాక్యాన్ని పంచుకోవడానికి, ఆయన ప్రేమను ప్రకటించడానికి, ఆయన చెప్పి చూపించిన జీవితం మన ద్వారా ప్రత్యక్షం కావాలని ప్రజలను ప్రోత్సహించడానికి కొనసాగుతున్న ఆత్మీయ ప్రయాణం.

దేవుని వాక్యం, ప్రార్థన, నా జీవిత సాక్ష్యాలు, ఆత్మీయ ప్రోత్సాహం ద్వారా ప్రతి ఒక్కరూ తమ జీవితాలను పరిశీలించుకొని, పశ్చాత్తాపపడి, క్రీస్తువైపు తిరిగి, ఆయనను పోలిన జీవితంలో ముందుకు సాగాలని మా ఆకాంక్ష.

విమర్శకు బదులుగా ప్రేమను, ఇతరులపై తీర్పు తీర్చడానికి బదులుగా ఆత్మపరిశీలనను, ఇతరులను పడగొట్టడానికి బదులుగా వారిని నిలబెట్టడాన్ని మన జీవిత విధానంగా చేసుకుందాం.

ఒకరినొకరు ప్రేమించుకుంటూ, క్షమించుకుంటూ, ఒకరి భారాలను మరొకరు మోసుకుంటూ, ఐక్యతతో, సఖ్యతతో, అందరితో కలిసి మెలిసి మన ఆఖరి శ్వాస వరకు జీవిద్దాం.

మన ద్వారా ఇతరులకు మేలు కలగాలి. బాధలో ఉన్నవారికి ఆదరణ, నిరాశలో ఉన్నవారికి ప్రోత్సాహం, ఆత్మీయంగా బలహీనపడినవారికి దేవుని వాక్యం ద్వారా బలం కలగాలి.

ప్రజలను మనవైపు ఆకర్షించడం కాదు — యేసుక్రీస్తువైపు నడిపించడమే మన పరిచర్య.

ఈ ప్రేమపూర్వక ఆత్మీయ ప్రయాణంలో మనమందరం పాలిభాగస్థులమై దేవుని నామానికి మహిమ తీసుకురావాలి.

📖 యోహాను 13:34–35 — యేసుక్రీస్తు ప్రేమించినట్లు మనం ఒకరినొకరం ప్రేమించుకోవాలి.

📖 ఎఫెసీయులకు 4:2–3 — వినయంతో, సహనంతో, ప్రేమతో ఐక్యతను కాపాడుకోవాలి.

📖 గలతీయులకు 6:2 — ఒకరి భారములను మరొకరు భరించుకోవాలి.

 🔥 3. మన లక్ష్యం — OUR GOAL

యేసుక్రీస్తుతో, యేసుక్రీస్తువలె జీవిస్తూ, ఆయనలో ఎదుగుతూ, ఆత్మీయ ఫలాలు ఫలిస్తూ, అభివృద్ధి చెందుతూ, ఆయన ప్రేమను మరింతమందికి విస్తరింపజేయడమే మన లక్ష్యం.

ప్రతి పరిస్థితిలో దేవునికి లోబడుతూ, లోకపు పాప ప్రభావానికి, శరీరాశలకు, సాతాను శోధనలకు, పాపపు ఆధిపత్యానికి లొంగిపోకుండా, యేసుక్రీస్తులో నిత్యం నిలిచి విజయవంతమైన జయజీవితం జీవించాలి.

లోకాన్ని, పాపాన్ని, శరీర సంబంధమైన పాపేచ్ఛలను, సాతానును, మరణాన్ని జయించిన యేసుక్రీస్తులో మనమూ నిత్యం జయించే విశ్వాస యోధులుగా ఆయనతో, ఆయనవలె ఆఖరి శ్వాస వరకు నిలబడాలి.

పాపం మనపై ఏలుబడి చేయకుండా, దేవుని వాక్యానికి లోబడి, పరిశుద్ధాత్మ సహాయంతో పాపపు ప్రభావాన్ని ఎదిరిస్తూ జీవించాలి.

అలుపెరుగని విశ్వాస యోధులుగా, ధైర్యసాహసాలు కలిగిన ఆత్మీయ పోరాట యోధులుగా, మన ఆఖరి శ్వాస వరకు క్రీస్తులో స్థిరంగా నిలబడాలి.

మన ఆఖరి శ్వాస వరకు ఇదే మన ఊపిరిగా, ఇదే మన శ్వాసగా, ఇదే మన జీవిత లక్ష్యంగా ఉండాలి.

📖 యోహాను 16:33 — యేసుక్రీస్తు లోకాన్ని జయించెను; ఆయనలో మనకు సమాధానం, ధైర్యం ఉన్నాయి.

📖 రోమీయులకు 6:12–14 — పాపం మనపై ఏలుబడి చేయకూడదు; మనం దేవుని కృప క్రింద ఉన్నాము.

📖 రోమీయులకు 8:37 — మనలను ప్రేమించిన క్రీస్తుద్వారా మనం అత్యధిక విజయము పొందుతున్నాము.

📖 1 కొరింథీయులకు 15:57 — యేసుక్రీస్తుద్వారా దేవుడు మనకు విజయాన్ని అనుగ్రహిస్తున్నాడు.

📖 ఎఫెసీయులకు 6:10–11 — ప్రభువునందు బలపడి దేవుని సర్వాంగ కవచాన్ని ధరించుకొని, యేసుతో, యేసువలె అనుదినం ఆఖరి శ్వాస వరకు నిలబడాలి.

 🕊️ 4. మన జీవితకాల సంకల్పం — OUR LIFELONG COMMITMENT

సమయమందు, అసమయమందు;

అనుకూల పరిస్థితుల్లో, ప్రతికూల పరిస్థితుల్లో;

సంతోషంలో, శ్రమల్లో;

విజయాల్లో, ఓటముల్లో, పరీక్షల్లోనూ;

మన ఆఖరి శ్వాస వరకు ఈ ఆత్మీయ దర్శనంతో మన అందరి ప్రయాణం కొనసాగాలి.

మనలను మార్చుకోవడానికి, క్రీస్తును పోలి జీవించడానికి, ఇతరులను ప్రేమించడానికి, దేవుని చిత్తానికి లోబడడానికి ప్రతిరోజూ దేవుని పాదాల వద్ద సిద్ధంగా ఉండాలి.

మన ప్రాణం, ఆత్మ విలువ తెలిసిన పరిశుద్ధాత్మ దేవుడే మనలను మార్చగలడు.

అందుకే ప్రతి ఒక్కరూ యేసుక్రీస్తు నామములో పరలోకమందున్న తండ్రిని వేడుకుంటూ, పరిశుద్ధాత్మ దేవుని నడిపింపును పొందేందుకు ఆయన సన్నిధిలో, ఆయన పాదాల వద్ద పట్టుదలతో ప్రార్థించాలి.

మనలోని పాత స్వభావాలను పరిశుద్ధాత్మ దహించు అగ్ని ద్వారా దేవుడు తొలగించి, మనలను యేసుక్రీస్తువలె మార్చాలని అనుదినం కోరుకోవాలి.

యేసుతో — యేసువలె — అనుదినం ముందుకు సాగుదాం.

📖 లూకా 9:23 — అనుదినం మన సిలువను ఎత్తుకొని యేసును వెంబడించాలి. యేసును పోలి, ఆయనవలె జీవించడమే మన గురి, లక్ష్యం, దర్శనం కావాలి.

📖 హెబ్రీయులకు 12:1–2 — యేసువైపు చూస్తూ ఓపికతో విశ్వాస పరుగును మన ఆఖరి శ్వాస వరకు కొనసాగించాలి.

📖 ఫిలిప్పీయులకు 3:13–14 — ముందున్న గురి, లక్ష్యంవైపు యేసుతో, యేసువలె సాగిపోవాలి.

🙏 5. మన విశ్వాస ప్రకటన — OUR DECLARATION OF FAITH

పరలోకమందున్న మన ప్రియమైన తండ్రి తన బిడ్డల జీవితాల్లో కలుగజేసుకొని, జోక్యం చేసుకొని, తన వాక్కును పంపి, తన మాటల ద్వారా వారిని తన చిత్తానుసారంగా నడిపించును గాక!

తన చిత్తానుసారంగా ద్వారములు తెరిచి, ప్రతి హృదయంలో క్రీస్తు జీవితం ప్రత్యక్షమయ్యేలా చేయును గాక!

యేసుక్రీస్తు నామములో ఇది కలుగును గాక!

ఇది జరుగును గాక!

దేవుడు నిర్ణయించిన సమయములో ప్రతి ఒక్కరూ ఆయన కార్యాలను చూచి, యేసయ్య పాదాల వద్ద మోకరిల్లి, సాగిలపడి, స్తుతిస్తూ, మహిమపరచుదురు గాక!

మన పరలోకపు తండ్రికి మాత్రమే యుగయుగములు స్తుతి, ఘనత, మహిమ, ప్రభావములు కలుగును గాక!

ఆమెన్!

❤️ మన ఉజ్జీవ పిలుపు

🙏 దీని కోసం ప్రార్థించండి.

🙏 దీని కోసం దేవునికి మొరపెట్టండి.

🕊️ ప్రతి హృదయంలో క్రీస్తు జీవితం ప్రత్యక్షమగును గాక!

మనం పంచుకునే ప్రతి సందేశం ప్రజల హృదయాలను యేసుక్రీస్తువైపు నడిపించును గాక!

👑 సమస్త మహిమ దేవునికే!

✝️ మనలో క్రీస్తు జీవించాలి • మనం పరిపూర్ణంగా చనిపోవాలి.

🙏ఆమెన్! 🙏