PART 07 — 06/11 — తెలుగు

CHRIST LIFE REVIVAL

నా జీవిత సాక్ష్యం — భాగం 19

2023–2026 ఉద్యోగాల మొత్తం ప్రయాణం — ఐదు అవకాశాలు, మధ్యలో విరామాలు

1. QATAR

2023 జనవరి 31 నుంచి ఏప్రిల్ 25 వరకు

QMS NOUF Jack-Up Barge

2. MUMBAI

2024 మార్చి 2 నుంచి ఏప్రిల్ 23 వరకు

Leighton Stealth Project

3. BAHRAIN

2024 జూన్ 22 నుంచి సెప్టెంబర్ 25 వరకు

LTB-300 Project

4. BASRA (IRAQ)

2024 నవంబర్ 16 నుంచి 2025 ఫిబ్రవరి 8 వరకు

Oil Terminal — SAR Radio Officer

5. QATAR

2025 నవంబర్ 11 నుంచి 2026 ఫిబ్రవరి 12 వరకు

MAG MAINTAINER I — Radio/Admin

2023 ప్రారంభం నుంచి 2026 సెప్టెంబర్ వరకు సుమారు మూడు సంవత్సరాల తొమ్మిది నెలల కాలాన్ని పరిశీలిస్తే మొత్తం ఐదు ఉద్యోగ అవకాశాలు మాత్రమే వచ్చాయి.

ఒక్కో ఉద్యోగం సుమారు మూడు నెలల చొప్పున, మొత్తంగా దాదాపు పదిహేను నెలలు మాత్రమే పనిచేశాను.

మిగిలిన కాలంలో ఎక్కువగా ఇంట్లోనే ఉన్నాను.

కొన్ని ఉద్యోగాల మధ్య దాదాపు తొమ్మిది నెలల వరకు విరామాలు వచ్చాయి.

మూడు నెలలు పని చేసి, తరువాత ఎన్నో నెలలు ఉద్యోగం లేకుండా ఇంట్లో ఉండవలసిన పరిస్థితులు ఎదురయ్యాయి.

ఉద్యోగం వచ్చినది సంతోషించాలో ఆ ప్రాజెక్ట్ ముగిసిపోయిందని మళ్లీ నిరీక్షణ ప్రారంభమయ్యేది.

ఈ మూడు సంవత్సరాల తొమ్మిది నెలల కాలంలో దేవుడు నాకు నిరంతర ఉద్యోగ జీవితాన్ని కాకుండా, ఉద్యోగం ఉన్నప్పుడూ లేనప్పుడూ ఆయనపై ఎలా ఆధారపడాలో నేర్పిస్తున్నాడని నేను అనుభవించాను.

ఆ పాఠాలను నేను మాత్రమే కాదు, నా భార్య కూడా అనుభవించింది.

ఉద్యోగం ఉన్నప్పుడూ... ఉద్యోగం లేనప్పుడూ... ఆయనే నా దిక్కు...

బైబిల్ వాక్య సూచనలు: Psalm 37:5 | Isaiah 40:31 | Philippians 4:13 | 2 Corinthians 12:9

నా జీవిత సాక్ష్యం — భాగం 20

2024 మే — 2026 అక్టోబర్ — మా ఇంటి ఆర్థిక పరిస్థితులు

అమ్మగారు వెళ్లిపోయిన తరువాత మా జీవితంలో ఆర్థిక ఇబ్బందులు మరింత స్పష్టంగా ఎదురయ్యాయి.

ఉద్యోగం ఉన్న కొన్ని నెలల్లో వచ్చిన డబ్బుతో మిగిలిన నెలలను నెట్టుకురావలసిన పరిస్థితులు ఏర్పడ్డాయి.

తర్వాత మళ్లీ ఉద్యోగం ఎప్పుడు వస్తుందో తెలియదు. ఇంట్లో అవసరాలు తీర్చుకోవడానికి ప్రాధాన్యత ఇవ్వవలసి వచ్చింది. కానీ ఇతర అవసరాలు తీర్చుకునే పరిస్థితి లేదు.

బైక్ ఇన్సూరెన్స్ చేయించుకోవడానికి డబ్బు లేదు.

బైక్‌లో పెట్రోల్ పోయించుకోవడానికి కూడా డబ్బు సరిపోని సందర్భాలు.

కారు ఇన్సూరెన్స్ చేయించుకోవడానికి డబ్బు లేదు.

కారులో డీజిల్ పోయించుకోవడానికి కూడా ఆలోచించవలసిన పరిస్థితి.

నా భార్యకు కొత్త దుస్తులు కొనలేని పరిస్థితి.

నాకు కొత్త దుస్తులు కొనలేని పరిస్థితి.

మా ఇద్దరికీ చెప్పులు కొనుక్కోవడానికి కూడా డబ్బు సరిపోని పరిస్థితి.

ఇవి మా జీవితంలో ఎదుర్కొంటున్న వాస్తవ పరిస్థితులు.

కానీ ఈ పరిస్థితులను ఇతరులపై నిందలు వేయడానికి నేను చెప్పడం లేదు. ఈ పరిస్థితుల మధ్య దేవునిపై ఆధారపడటం గురించి నేను నేర్చుకున్న పాఠాలను పంచుకోవడానికి చెబుతున్నాను.

మూడు నెలలు ఉద్యోగం చేసి వచ్చిన డబ్బుతో ఎన్నో నెలలు జీవించాల్సిన పరిస్థితి వచ్చినప్పుడు డబ్బు విలువ, ఖర్చులో జాగ్రత్త, ఓర్పు, నిరీక్షణ గురించి నేర్చుకున్నాను.

ఎంత అవసరం ఉన్నప్పటికీ ప్రతిదీ వెంటనే పొందలేమని అర్థమైంది.

ఈ పరిస్థితుల్లో నా భార్య కూడా నాతో కలిసి జీవిస్తోంది. మా ఇద్దరికీ ఇవి సులభమైన రోజులు కావు.

అయినా మా అవసరాల మధ్య దేవునిపై విశ్వాసం ఉంచుకొని ముందుకు సాగడానికి ప్రయత్నిస్తున్నాము.

బైబిల్ వాక్య సూచనలు: Psalm 37:5 | Isaiah 40:31 | Philippians 4:13 | 2 Corinthians 12:9

CHRIST MUST LIVE IN US • OUR SELF MUST DIE

మనలో క్రీస్తు జీవించాలి • మనం చనిపోవాలి.