PART 07 — 04/11 — తెలుగు

CHRIST LIFE REVIVAL — నా జీవిత సాక్ష్యం

పోస్టర్ 1-F

2023–2024 — అమ్మగారి సేవ మధ్యలోనే తిరిగి ఆఫ్‌షోర్ ఉద్యోగంలోకి

2014 తర్వాత నా ఆఫ్‌షోర్ ఉద్యోగ జీవితంలో సుదీర్ఘ విరామం వచ్చింది.

ఆ సంవత్సరాల్లో నా ప్రధాన బాధ్యత మా అమ్మగారిని చూసుకోవడమే.

తర్వాత 2023లో మళ్లీ ఆఫ్‌షోర్ ఉద్యోగంలోకి ప్రవేశించే అవకాశం వచ్చింది.

2023 జనవరి 31 నుండి ఏప్రిల్ 25 వరకు

ఖతార్‌లో QMS NOUF జాక్‌అప్ బార్జ్‌లో పనిచేశాను.

ఆ తర్వాత మళ్లీ ఉద్యోగ విరామం వచ్చింది.

2024 మార్చి 02 నుండి ఏప్రిల్ 23 వరకు

ముంబై ఆఫ్‌షోర్‌లో Leighton Stealth ప్రాజెక్ట్‌లో పనిచేశాను.

- ఇది నాకు నిరంతర ఉద్యోగం లభించిందనే పరిస్థితి కాదు.

- కొన్ని నెలలు ఉద్యోగం.

- మళ్లీ ఇంట్లో నిరీక్షణ.

- మళ్లీ ఉద్యోగ అవకాశం.

- మళ్లీ విరామం.

ఇలా నా ఉద్యోగ జీవితం కొనసాగింది. ఈ పరిస్థితుల మధ్యే 2024 ఏప్రిల్ నెల వచ్చింది.

అప్పుడు నేను ముంబై ఆఫ్‌షోర్‌లో ఉన్నాను.

బైబిల్ వాక్య సూచనలు: కీర్తనలు 37:5 | యెషయా 40:31 | ఫిలిప్పీయులకు 4:13

పోస్టర్ 1-G

2024 ఏప్రిల్ 22–24 — అమ్మగారి చివరి ప్రయాణం

2024 ఏప్రిల్ 22 — మా అమ్మగారు ఈ లోకాన్ని విడిచిపెట్టిన రోజు.

ఆ సమయంలో నేను ఇంట్లో లేను. ముంబై ఆఫ్‌షోర్‌లో ఉద్యోగంలో ఉన్నాను.

మా అమ్మగారు మరణించినప్పుడు నా భార్య ఆమె దగ్గర ఉంది.

ఎన్నో సంవత్సరాలు మా అమ్మగారికి సేవ చేసిన నా భార్య, ఆ అత్యంత బాధాకరమైన సమయంలో కూడా ధైర్యంగా నిలబడింది.

నేను వెంటనే ఇంటికి చేరుకోలేకపోయాను.

ఏప్రిల్ 23న సముద్రంలో నా తిరుగు ప్రయాణం కొనసాగింది.

బోట్, హెలికాప్టర్, హార్బర్ మార్గాల్లో ప్రయాణించి ఏప్రిల్ 24న ఇంటికి చేరుకున్నాను.

అప్పటివరకు నా భార్య బాధ్యతలను వదిలిపెట్టలేదు.

మా అమ్మగారి అంత్యక్రియలు కోసం పది పెట్టి స్థలం ఏర్పాటు దగ్గర నుంచి పాస్టర్ గారితో సమన్వయం చేసుకోవడం వరకు అవసరమైన విషయాలను వారి అమ్మతో కలిసి అన్ని విషయాలు చూసుకుంది.

అమ్మగారు చెప్పిన ఆ కోరికను మా అన్నయ్యకు తెలియజేశాను.

ఆయన అంగీకరించడంతో కాకినాడలోనే అంత్యక్రియలు, మిగిలిన కార్యక్రమాలు నిర్వహించాము. నా ఆర్థిక పరిస్థితిని బట్టి మా అన్నయ్యకు ఎక్కువ ఖర్చు భరించారు. సగానికి పైగా, దాదాపు చాలా పెద్ద సహాయం చేశారు. మా అమ్మగారంటే మా అన్నయ్యకు కూడా ఎంతో ప్రేమ ఉంది.

ఆ సమయంలో మా అమ్మగారి భౌతికకాయాన్ని మా అపార్ట్‌మెంట్ ముందు ఉన్న సామాన్య పార్కింగ్ స్థలంలో ఉంచారు.

ఏప్రిల్ 22, 23 తేదీల్లో నా భార్య, ఆమె అమ్మగారు, ఆమె అక్కగారు నిద్రపోకుండా మా అమ్మగారి భౌతికకాయం పక్కనే ఉండి చూసుకున్నారు.

ఆ రెండు రోజుల్లో వారు చేసిన సేవను, చూపించిన ప్రేమను నేను ఎప్పటికీ మరచిపోలేను.

నేను ఇంటికి చేరుకోలేని సమయంలో నా భార్య మాత్రమే కాదు, ఆమె అమ్మగారు, అక్కగారు కూడా మా అమ్మగారికి తోడుగా ఉన్నారు.

ఒకవైపు మా అమ్మగారిని కోల్పోయిన బాధ. మరోవైపు నేను లేని సమయంలో నా భార్య, ఆమె కుటుంబ సభ్యులు చూపించిన సేవ, బాధ్యత, ప్రేమ — ఈ రెండూ నా హృదయంలో నిలిచిపోయాయి.

అది నా జీవితంలో ఎంతో ప్రత్యేకమైన, బాధతో కూడిన జ్ఞాపకం.

బైబిల్ వాక్య సూచనలు: యోహాను 11:25 | కీర్తనలు 34:18 | 2 కొరింథీయులకు 1:3–4 | రోమీయులకు 8:28

CHRIST MUST LIVE IN US • OUR SELF MUST DIE

మనలో క్రీస్తు జీవించాలి • మనం చనిపోవాలి.